Landing Page

Një landing page është një faqe e vetme, e fokusuar në një qëllim: ta kthejë vizitorin në kontakt. Ndryshe nga faqja kryesore që tregon gjithçka, landing page-ja heq shpërqendrimet dhe të çon drejt një veprimi: forma, telefonatë ose WhatsApp. AG Studio i ndërton për fushata Google Ads, të shpejta dhe të menduara për konvertim maksimal.

Kërko një vlerësim Shkruaj në WhatsApp

Problemi

Shumica e bizneseve dërgojnë trafikun e paguar nga Google Ads te faqja kryesore, ku vizitori humbet mes dhjetëra lidhjeve dhe largohet pa bërë asgjë. Rezultati: klikime të paguara që s'kthehen në klientë dhe një Quality Score i ulët që të rrit koston për klik.

Çfarë përfshin

Faqe e vetme, me një qëllim të qartë
Mesazh dhe titull i fokusuar te oferta
Forma e shkurtër dhe WhatsApp i lidhur
Shpejtësi maksimale, mobile-first
Strukturë e optimizuar për Google Ads
Matje konvertimesh e integruar

Një faqe, një qëllim: kontakti

Faqja kryesore e biznesit të tregon gjithçka: kush je, çfarë ofron, ku ndodhesh. Kjo është e mirë kur dikush të njeh tashmë. Por kur paguan për një klikim në Google Ads, vizitori vjen me një pyetje të vetme në kokë dhe ka nevojë për një përgjigje të vetme, jo për një meny me njëzet lidhje. Landing page-ja bën pikërisht këtë: heq gjithçka që s’të çon drejt kontaktit dhe e udhëheq vizitorin nga problemi te zgjidhja te veprimi.

Pse landing page-ja ul koston e Google Ads

Google nuk shikon vetëm sa paguan për klik. Ai vlerëson edhe përvojën e faqes ku çon reklama, dhe këtë e quan Landing Page Experience, një nga tre shtyllat e Quality Score. Kur reklama për “landing page biznesi” çon te një faqe që flet pikërisht për këtë, me shpejtësi të lartë dhe një veprim të qartë, Quality Score rritet dhe kostoja për klik bie. E njëjta reklamë, po të çojë te faqja kryesore gjenerike, kushton më shumë dhe konverton më pak.

Çfarë e bën një landing page që konverton

Nuk është çështje bukurie, është çështje qartësie. Një landing page që sjell kontakte ka: një titull që flet drejt e për nevojën e vizitorit, një ofertë të qartë, prova besimi (përvojë, rezultate, dëshmi), një formë të shkurtër dhe një buton WhatsApp gjithmonë të dukshëm. E ndërtojmë të shpejtë dhe të përsosur në telefon, sepse shumica e klikimeve nga Google vijnë nga celulari.

E matur, jo e supozuar

Çdo landing page që ndërtojmë vjen me matje konvertimesh të integruar: sa forma u dërguan, sa klikime në WhatsApp, sa telefonata. Kështu e di saktë sa kontakte po sjell secila fushatë dhe me ç’kosto, dhe mund të vendosësh me numra, jo me ndjesi. Nëse do të nisësh reklama, kjo është baza mbi të cilën ndërtohet çdo vendim.

Gati për fushatën?

Nëse po mendon reklama në Google ose e ke faqen që s’të sjell kontakte, nis me një landing page të dedikuar. Na trego ofertën dhe brenda një dite pune të kthejmë përgjigje me hapa konkretë, afat dhe çmim me shkrim. Pa detyrim.

Si punojmë

1

Vlerësimi falas

Na trego problemin me formë ose në WhatsApp. Shohim gjendjen reale: faqen, profilin në Google, konkurrencën.

2

Plani dhe oferta

Brenda një dite pune merr përgjigje me hapa konkretë, afat dhe çmim me shkrim. Pa asnjë detyrim.

3

Puna

Ndërtojmë ose rregullojmë. E ndjek progresin dhe miraton gjithçka para se të publikohet.

4

Dorëzimi dhe matja

Publikojmë, masim rezultatet me numra dhe, nëse do, e mbajmë faqen nën mirëmbajtje.

Pyetje të shpeshta

Çfarë ndryshimi ka landing page nga faqja normale?

Faqja normale (homepage) tregon gjithçka për biznesin dhe ka shumë lidhje. Landing page-ja ka një qëllim të vetëm: ta kthejë vizitorin në kontakt për një ofertë specifike. Heq menytë dhe shpërqendrimet, dhe të çon drejt një veprimi. Për këtë konverton shumë më mirë trafikun nga Google Ads.

A më duhet landing page nëse kam Google Ads?

Pothuajse gjithmonë, po. Dërgimi i reklamave te faqja kryesore ul konvertimin dhe rrit koston për klik, sepse Google e vlerëson përvojën e faqes (Landing Page Experience) si pjesë të Quality Score. Një landing page e dedikuar për fjalëkyçin e reklamës ul CPC-në dhe rrit numrin e kontakteve.

Sa kohë duhet për një landing page?

Një landing page e vetme zakonisht 1 deri në 2 javë, nga miratimi i mesazhit te publikimi. Afati i saktë jepet me shkrim pas një vlerësimi falas.

A e matni sa kontakte sjell landing page-ja?

Po. Vendosim matje konvertimesh për format, klikimet në WhatsApp dhe telefonatat, që ta dish saktë sa kontakte po vijnë dhe me ç'kosto. Pa këtë, çdo shpenzim në reklama është i verbër.

A mund të kem disa landing page për shërbime të ndryshme?

Po, dhe kjo është qasja e duhur. Çdo shërbim ose fushatë meriton landing page-n e vet, të përshtatur me fjalëkyçin dhe ofertën. Kështu secila reklamë çon te faqja më e përshtatshme dhe konverton më shumë.