FLORA DHE FAUNA DETARE NË PULLËN SHQIPTARE NE 104 VITE, | 5 MAJ 1913 – 5 MAJ 2017
VLERAT TURISTIKE NËNUJORE TË DETIT ADRIATIK DHE JON

Është ky titulli i botimit të ri që i vjen pasurisë së literaturës dhe studimeve  filatelike. Autori i saj është koleksionisti i pasionuar i pullave postare të klasës tematike të florës dhe faunës, koleksionisti i pasionuar Z.Hysen Dizdari.

Me një parathënie të kryeredaktorit të revistës “Koleksionisti”, Z. Thimi Nika,  i cili nxjerr në dukje vlerat e larta të këtij botimi, autori ka zgjedhur të rendisë në mënyrë kronologjike të dymbëdhjetë emëtimet e Postës Shqiptare dhe brënda një strukture që përfshin gjeografinë e ndodhjes, biologjinë e formimit dhe rëndësinë ekonomike e turistike, bën përshkrimet plot  tërheqje e interes shumëplanësh.  Në rreth 140 faqe me ngjyra në gjuhët shqip e anglisht, me fotot e çdo vlere nominale të peshqve, yjeve të detit, kafshë të tjera të detit, mozaikët palokristianë me figura detare të Linit e Apollonisë, koralet, Fokat e Mesdheut, breshkat, delfinët, peshkaqenët, balenat, oktapodi, flora nën ujore, medusa dhe Zambaku detar i Mesdheut, gjithsej 51 pamje e vlera nominale pullash, informacioni që merr përbën dije e vlerë të shumtë kulturore. Në mbyllje autori ka zgjedhur të vendosë literaturën shkencore të botuar në libra, monografi, botime në shtyp e referime të tjera të karakterit historik e enciklopedik, që i  kushtohen pullës postare të Shqipërisë.

Përgëzimet më të mira z. Hysen për përkushtimin, punën studimore dhe vlerën që i shton përmes këtij libri botimeve cilësore për filatelinë e vendit tonë!

Bajram Peçi

Ish kryetar i shoqates te koleksionisti shqiptare

 

KY LIBER ESHTE BOTUAR NGA AGSTUDIO

AUTOR: HYSEN S.DIZDARI

POROSIT LIBRIN DUKE TELEFONUAR NE: +355682064937