Siguria e faqes: si dhe pse ta përmirësoni

Publikuar: 1 shkurt 2024

Faqet hakohen çdo ditë. Ja hapa konkretë për të mbrojtur faqen tënde: përditësime, fjalëkalime, backup, hosting i sigurt dhe skanime.

A ke dëgjuar për faqe që hakohen, shpërfytyrohen ose përdoren fshehtas për të dërguar spam? Rreziku është i përhershëm, por mbrojtja nuk është e komplikuar. Ja hapat kryesorë që mund t’i ndërmarrë pothuajse kushdo.

Përditëso programin e faqes

Shumica e faqeve ndërtohen mbi platforma si WordPress, Joomla ose Drupal. Përhapja e tyre i bën edhe shenjë sulmesh. Përditësimet mbyllin vrimat e sigurisë, prandaj mbaji gjithmonë platformën dhe shtojcat të përditësuara nga paneli i administrimit.

Përdor fjalëkalime të forta

Fjalëkalimet e thjeshta gjenden lehtë me sulme automatike. Përdor fjalëkalime të gjata e unike për hostin dhe faqen, dhe aktivizo vërtetimin me dy faktorë kur ofrohet.

Bëj backup të rregullt

Nëse faqja dëmtohet, mënyra më e shpejtë për ta rikthyer është një kopje e ruajtur diku tjetër. Bëj backup periodikisht, sipas sa shpesh e përditëson faqen. cPanel e bën këtë të thjeshtë.

Përdor një hosting të sigurt

Shumë hakime ndodhin për shkak të hostingut të keqkonfiguruar. Një hosting me izolim mes faqeve dhe skanim aktiv ul ndjeshëm rrezikun. Kjo është një anë sigurie që shpesh nuk varet nga ti, prandaj pyet gjithmonë.

Skano faqen rregullisht

Ekzistojnë shërbime që skanojnë faqen për probleme sigurie. Edhe Google Search Console të njofton nëse gjen diçka të dyshimtë. Monitorimi i rregullt e kap problemin para se ta kapë klienti.

Nëse do që këtë ta mbajë dikush për ty, mirëmbajtja e website-it përfshin përditësime, backup dhe monitorim sigurie, që faqja jote të rrijë e mbrojtur pa u marrë ti me të.

Të ndihmojmë me këtë?

Shiko: Mirëmbajtje Website, ose kërko direkt një vlerësim falas.

Kërko vlerësim falas

Pyetje të shpeshta

Sa shpesh duhet të bëj backup?

Sipas sa shpesh e përditëson faqen. Nëse ndryshon çdo ditë, bëj backup çdo ditë ose të paktën çdo javë. Backup-i është rrjeti yt i sigurisë nëse diçka shkon keq.

Faqja ime u hakua. Çfarë bëj?

Mos fshi asgjë. Izolo problemin, rikthe nga një backup i pastër, mbyll vrimën e hyrjes dhe forco sigurinë që të mos përsëritet. Ne e bëjmë këtë proces për ty.

A mjafton hostingu i lirë për siguri?

Jo gjithmonë. Hostingu i keqkonfiguruar është një nga shkaqet kryesore të hakimeve. Një hosting i sigurt me izolim dhe skanim aktiv ndryshon shumë.

Udhëzime të tjera nga e njëjta temë

AG.

Fix & Support

Pse forma e kontaktit nuk po dërgon email?

Forma e kontaktit që nuk dërgon email zakonisht ka një nga këto shkaqe: konfigurim i gabuar i dërgimit, mungesë SPF/DKIM, plugin i prishur ose emailet bien në spam.

Lexo udhëzimin →

AG.

Fix & Support

A të duhet website i ri, apo thjesht rregullime?

Jo çdo faqe me probleme duhet rindërtuar. Ja kriteret praktike: kur mjaftojnë rregullimet, kur ia vlen faqja e re, dhe si e jep auditi përgjigjen me fakte.

Lexo udhëzimin →